"Khatoon Mashriq” Ek Maqbool E Aam Mahnama Jis Ne Urdu Ko Ghar Ghar Tak …

عہد حاضر کے ممتاز قلمکار و نقاد حقانی القاسمی کی مشاہیر ادب سے گفتگو کے سلسلے ’’ چلو بات کرکے دیکھتے ہیں‘‘ میں اپنے زمانے کے تاریخ سازماہنامے خاتون مشرق کی موجودہ مدیر چشمہ فاروقی سے گفتگو اور اس رسالے کی ادبی خدمات پر منظوم تاثرات
احمد علی برقی اعظمی
خوب ہے خاتونِ مشرق کا یہ ادبی تجزیہ
تھا کبھی اردو ادب کا جو رسالہ دلپذیر
اردو کو گھر گھر میں پہنچایا جنھوں نے تا حیات
اس کے عبداللہ فاروقی تھے اک ایسے مدیر
کرتا تھا یہ طبقۂ نسواں کی ذہنی تربیت
کام وہ جو کررہے تھے تھا وہ لانا جوئے شیر
منتظر رہتے تھے اس کے لوگ طول و عرض میں
تھا یہ اپنے وقت کا ایسا جریدہ بے نظیر
چشمہ فاروقی کے ہے زیر ادارت آج جو
کررہا ہے بچیوں کا آج بھی زندہ ضمیر
ہے تعارف کا یہ حقانی کا عمدہ سلسلہ
جس کا ہے مداح برقی خطۂ بر صغیر

Leave a Reply