عالمی ماہنامہ آسمان ادب: منظوم تاثرات احمد علی برقی اعظمی

عالمی ماہنامہ آسمان ادب: منظوم تاثرات

ڈاکٹراحمد علی برقیؔ اعظمی

آسمانِ ادب پر ہے جو ضوفشاں

شاعروں اور ادیبوں کی ہے کہکشاں

ہیں امیں ؔ اس مجلے کی روحِ رواں

جن کے حُسنِ ادارت کا ہے یہ نشاں

عالمی ماہنامہ ہے اردو کا یہ

ایک صالح ادب کا ہے جو ترجماں

ہے یہ توصیف ترنل کے زیر نگیں

جن کی معروف ہیں بزم آرائیاں

ہر شمارے کا اس کے نیا رنگ ہے

جس کی مرہونِ منت ہے اردو زباں

آسمانِ ادب پر چمکتا رہے

ندرتِ فکر ہو اس کی سب پر عیاں

آج شعرو ادب سے ہے جن کو شغف

کیوں ملائیں نہ برقیؔ کی وہ ہاں میں ہاں

Leave a Reply