طوفان نرگس
طوفان نرگس
آج ماینمار ھے طوفان نرگس کا شکار
ھے گلوبل وارمنگ کا اس پہ یہ بھرپور وار
کیجئے راہ عمل مل جل کے کوئی اختیار
ورنہ آتے ھی رھینگے یہ حوادث بار بار
ھو گئے برباد لاکھوں ھیں ھزاروں لاپتہ
لوٹنے کا لوگ جن کے کر رھے ھیں انتظار
جا بجا بکھرے ھوئے ھیں ھر طرف لاشوں کے ڈھیر
بچ گئے ھیں جو انھیں ھے اب مدد کا انتظار
یہ ھے فطرت کے توازن کے بگڑنے کا عمل
آ رھا ھے ایک طوفان حوادث بار بار
کوئی پیمان کیوٹو پر نھیں کرتا عمل
ان مسائل کے لئے ھے نوع انساں ذمہ دار
اب بھی گر سوچا نہ اس آغاز کے انجام پر
آج ماینمار ھے کل ھوگا اس کا ھم پہ وار
پھلے ریٹا آیا پھر کٹرینا اور نرگس نے آج
کردیا ھے دامن انسانیت کو تار تار
آج ھے درکار ان کو بین الاقوامی مدد
جو ھیں ماینمار میں طوفان نرگس کے شکار
آج ھیں ھر ملک کو درپیش ایسے سانحے
پھلے بنگلادیش تھا سیلاب و طوفاں کا شکار
ھر طرح کا ھے پلوشن باعث سوحان روح
اس سے بچنے کی کریں تدبیر فورا اختیار
وقت کی ھے یہ ضرورت آج اے احمد علی
رکھیں فطرت کے توازن کو ھمیشہ برقرار