روح مومن کی غذا رمضان ہے: ڈاکٹر احمد علی برقی اعظمی
روح مومن کی غذا رمضان ہے
ڈاکٹر احمد علی برقی اعظمی
روح مومن کی غذا رمضان ہے
منبعِ جود و سخا رمضان ہے
اشہبِ ایماں کی یہ مہمیز ہے
مظہرِ صبر و رضا رمضان ہے
دور کردیتا ہے دل سے تیرگی
نورِ عرفاں کی ضیا رمضان ہے
چُست کردیتا ہے جسمانی نظام
ہر مَرَض کی وہ دوا رمضان ہے
قید ہوجاتا ہے شیطاں اس لئے
باعثِ ردِ بَلا رمضان ہے
بندۂ مومن کی ہے وجہہِ نجات
زُہد و طاعت کی جزا رمضان ہے